"Bhatkhande swar-lipi-padhatti"
Bharat me sangeet ke 2 Mahan vibhuti hue-
Vishnu narayan bhatkhande
Vishnu Digambar palushkar
In dono Mahan sangitagya ne anek kasht sah kr aur kathin parishram K sath sangeet k vikas evam prachar-prasar me bhut bda yog- daan diye.inhone anek sangeet-padhatti viksit ki.Inhone apne-apne sidhant ke anusaar 'swar-lipi padhatti' ka v nirman kiya aur unhe viksit v kiya.
In swar lipi padhatti ko "Bhatkhande swar lipi padhatti "ya "Palushkar -swar lipi padhatti " kahte hn. Swar lipi ke liye swaro ke prakar, Taal- prakar, Gamak-Prakar, saptak-prakar, swaro ka thahraw, sawro ki barambarta, lay-prakar,laykariyan.... jaisi baato pr dhyan dena padta h.Inhi baato ko ek niyam ke antargat rakh kr Bhatkhande swar lipi ka nirman kiya gya h. Jo is prakar hn.-
- Bhatkhande-swarlipi-padhatti me shudhh-swaro ke liye koi chinh nhi lagega.e.g-shudhh gandhar= ga
- Swaro ke thahraw ke liye avagrah ka chinh lgega; jo english ke 'S 'ke saman h. e.g- S
- Kann swar ke liye mool- swar ke uper kann lagne wale swar ko likha jayega.
- Taaliyan ok anko dwara darshaya jayega. e.g- 2nd taali - 2, 3rd taali-3 .
- Pahli (1st) taali arthat 'sum' ko × (cross) se hi dekha jayega.
- Khaali ko '0' shunya se dikhaya jayega.
- Khadi lakir (|) se taal ke anusaar vibhag banaya jayega. e.g.- 1 2 3 | 4 5 6 yhan 2 vibhag banaye gye.
- Meend ko dikhane ke liye dono swaro ke uper se ardh-chandrakar chinh se hoda jayega.
- Theka ke tatha bandish ke Bol ko matraa ke sath-sath dikhaya jayega, jo taal ke niyam anusaar hoga aur ye matraayen v anko (numbers) dwara dikhai jayegi.
- Komal swar ke liye swar ke niche padi-lakir ka chinh lgega. Eg. Komal gandhar = ga.
- Tivra swar ke liye swar ke uper khadi-lakir ka chinh lagega.
- Madhya-saptak ke swaro ke liye koi bindu chinh nhi lagega,lekin mandra-saptak ke swaro ke liye swar k niche bindu tatha taar-saptak ke swaro ke liye swaro ke uper bindu-chinh lagega.
- Ek matraa me swaro ke dikhane ke liye unhe niche se ulte ardh-chandrakar chinh se gher diya jayega.
- Swar-lipi ke uper swar tatha uske niche bandish ke bol rahenge. Sabse niche taal-chinh honge.
- Ek sampoorn swar-lipi me pahle matraayen hongi, uske niche swar, uske thik niche geet ke bol aur sabse niche taal-chinh honge.
- Is prakar bhatkhande swar-lipi me raago ki bandishe likhi ya padhi ja sakti hn.🙏
Comments
Post a Comment