Raag kise kahte hn.

 'Raag'ek swar rachna h,jise shashtriya niyamanusar gaaya -bajaaya jata h.Raago ki utpatti Thaat se hoti h.Raag aisi rachna h jhaan kai swar aapas me milte hn aur ek sammilit  prabhaw chhodte hn.

"Swaro ya dhwaniyon  ki vishisht rachna jo swar aur varn se vibhushit ho kr maanav -chitt ko Anand pradaan kre, raag kahlaati  h."

Sangeetagya Bharat k samay jaati-gaayan prachalit tha jo aaj k raag gaayan se milta-julta h.Unke baad 'sangeet viddwan MATANG k samay raag-paddhati prachalit hui;aur is prakar raag -gaayan ki niw  padi.Aaj k sangeet me raag gaayan  hi pramukh roop se prachalit h.

 Raag ki visheshtaae.....

  1. Raag ki utpatti kisi-na-kisi  Thaat se avaashya  honi chaahiye.
  2. Raag me ranjakta ka hona aaavashyak h.
  3. Raag me nyuntam 5 aur adhiktam 7 swar hone chaahiye.
  4. Raag me shadaj(sa) swar kabhi warjit nhi hota.
  5. Raag me madhyam tatha pancham swar ek sath warjit nhi hote.
  6. Raag ka aaroh ya to avroh k brabar k swar-sankhya wala ho ya chhota ,lekin avroh se bda kabhi nhi.

Inhi niyamo k aadhar pr raag bante hn ya gaaye -bajaaye jaate hn.

Raag k aavashyak  ang/taťtwa:

Kisi ek raag ko banane me ;unke aadhar jaise unka aaroh ,avroh,pakad,aalap,vaadi swar,anuvaadi swar,samvaadi swar,vivaadi swar,thaat aur samay - In sabka pramukh sthan hota h. Ye kisi raag k ghatak hote hn,jinke milne se raag ka nirmaan hota h.yhi raag k aavashyak ang kahlate hn.

Comments

Popular posts from this blog

राष्ट्रगान

10 thaat ke kram badhh swar

Saptak ka Purvang-Uttrang:-