Classicalmusicgyan for beginner's

  1. Swami Haridas:       Bhartiya shashtriya sangeet ke mahan         guru , sant- gayak , swatatra sadhak , Tansen ke guru, anek raago aur bandisho ke janmdata. 2. Taansen:       Mahan sangeet gayak, Akbar ke darbari gayak, swami haridas ke shishya, anek raago ke rachnakar. 3. Baiju bawra:     Tansen ke samay ke gayak, Tansen ke saman hi pratibhawan gayak. 4. Vishnu digambar palushkar:       Dakshin bharat ke sangeet -uddharak, suprasidhh sangeetagya evam gaayak, dakshin sangeet padhatti ke nirmata evam pracharak. 5. Vishnu narayan bhatkhande:     vishnu digambar palushkar ke samkalin, Uttari sangeet padhatti ke nirmaan-karta, evam mahan sangeetgya. 6. Amir khusro:     Swami haridas se bhi purv ke sangeetagya, khilji vansh ke shasan -kaal me prasidh hone wale sangeetagya. Inhone tabla, sitaar jaise kai saajo(instruments) ka nirman kiya.Inhone kai raag evam gayan shaili banai- sahan...

"Bhatkhande swar-lipi-padhatti" Bharat me sangeet ke 2 Mahan vibhuti hue-  Vishnu narayan bhatkhande Vishnu Digambar palushkar In dono Mahan sangitagya ne anek kasht sah kr aur kathin parishram K sath sangeet k vikas evam prachar-prasar me bhut bda yog- daan diye.inhone anek sangeet-padhatti viksit ki.Inhone apne-apne sidhant ke anusaar 'swar-lipi padhatti' ka v nirman kiya  aur unhe viksit v kiya. In swar lipi padhatti  ko "Bhatkhande swar lipi padhatti "ya "Palushkar -swar lipi padhatti " kahte hn.  Swar lipi ke liye  swaro ke prakar, Taal- prakar, Gamak-Prakar, saptak-prakar, swaro ka thahraw, sawro ki barambarta, lay-prakar,laykariyan.... jaisi baato pr dhyan dena padta h.Inhi baato ko ek niyam ke antargat rakh kr Bhatkhande swar lipi ka nirman kiya gya h. Jo is prakar hn.- Bhatkhande-swarlipi-padhatti me shudhh-swaro ke liye koi chinh nhi lagega.e.g-shudhh gandhar= ga Swaro ke thahraw ke liye avagrah ka chinh lgega; jo english ke 'S 'k...

Alankaar    Alankaar ka shabdik arth hota h- Aabhushan. sangeet me abhushan  ka arth h -sajawat. "Aisa swar-samooh jo niyamanusar hone k sath-sath raago ya geeton ko sajaane k kaam aaye,Alankaar kahlaata h." . Alankaar anek hote hn. . Yh aaroh-avroh k roop me hota h. . Alankaar abhyas se hi sageet  shiksha ki shuruaat hoti h. . Alankaar abhyas jitna aavashyak swaro ko samajhne k liye h,utna hi gale ki taiyari k liye v. . Sangeet  k prati ruchi jagaana k liye v alankaar mahatwapurna h. =Aaroh- sa re ga,re ga ma,ga ma pa,ma pa dha,pa dha ni,dha ni sa*. =Avroh- sa*ni dha,ni dha pa,dha pa ma,pa ma ga,ma ga re,ga re sa. . kuchh aise hi saje roop me hote hn anek alankar.

Varna kise kahte hn. Swaro ko anek prakar se gaane ki kriya ko Varna kahte hn. Varna 4 prakar k hote hn:- Sthayi -varna:   Kisi swar ko agar bar-bar gaaya-bajaya  jaay,to woh kriya Sthayi -varna kahlaati h.  Eg.sasa, rere, gaga,mama....... Aarohi-varna:  Madhya- sa swar se madhya-ni swar tk  ke antargat kramshah gaane-bajaane ki kriya ko Aarohi varna kahte hn.                       Sa,re,ga,ma,pa,dha,ni. Avrohi varna- Taar -sa. Swar se madhya -re swar tk k swaro ko gaane-bajaane ki kriya   Avrohi varna kahlaati h. eg.sa., ni,dha,pa,ma,ga,re.. Sanchaari varna:  Uprokt teeno varno k mishran ko sanchaari varna kahte hn.

 " Aalap" kise kahte hn. Kisi v raag me pryog hone wale swar-samooh jo raag k swaro ko spasht karte hn,Aalap kahlaate hn. Pakad sankshipt roop se raag ko spasht karte hn jab ki aalap vistar se raag ka warnan karte hn;isliye ye raag- vistar v kahlate hn. Kisi v raag me anek aalap hote hn.Inme raag k saare swar prayog kiye jaate hn,jo raag k niyam anusaar hote hn. Aalap 2 prakar k hote hn:- 1. Anibaddh aalap 2. Nibaddh  aalap Raag gayan karte samay,jb bandish  shuru nhi hoti; kiye  jaane wale aalap ko 'Anibaddh aalap' kahte hn. Bandish ke saath kiye  jaane wale aalap ko 'Nibaddh aalap 'kahte hn.

 'Raag'ek swar rachna h,jise shashtriya niyamanusar gaaya -bajaaya jata h.Raago ki utpatti Thaat se hoti h.Raag aisi rachna h jhaan kai swar aapas me milte hn aur ek sammilit  prabhaw chhodte hn. "Swaro ya dhwaniyon  ki vishisht rachna jo swar aur varn se vibhushit ho kr maanav -chitt ko Anand pradaan kre, raag kahlaati  h." Sangeetagya Bharat k samay jaati-gaayan prachalit tha jo aaj k raag gaayan se milta-julta h.Unke baad 'sangeet viddwan MATANG k samay raag-paddhati prachalit hui;aur is prakar raag -gaayan ki niw  padi.Aaj k sangeet me raag gaayan  hi pramukh roop se prachalit h.  Raag ki visheshtaae..... Raag ki utpatti kisi-na-kisi  Thaat se avaashya  honi chaahiye. Raag me ranjakta ka hona aaavashyak h. Raag me nyuntam 5 aur adhiktam 7 swar hone chaahiye. Raag me shadaj(sa) swar kabhi warjit nhi hota. Raag me madhyam tatha pancham swar ek sath warjit nhi hote. Raag ka aaroh ya to avroh k brabar k swar-sankhya wala ho ya chhota ,le...